العامل الحفاز او ال Catalyst هو مادة تعمل على تغيير سرعة التفاعل الكيميائي دون ان تستهلك .
العامل الحفاز هو كل شىء موجود حوالينا بيخلينا نقدر نكمل فى الحياه ويخلينا نكمل تفاعلاتنا الكيميائه والحياتيه فى الدنيا
ابسط العمليات الكيمائيه واعقدها تحتاج عامل حفاز ليزيد من سرعه التفاعل ولاتمامها .
من غير فلسفه انا اكتشفت انى عايز عامل حفاز فى حياتى انا بقيت عنصر خامل فى الحياه مفيش تفاعل مفيش كيميا ولان الكيميا هى اساس من اساسيات الحياه علشان انا كده اكتشفت انى عايز العامل الحفاز اللى يخلينى اتفاعل مع الحياه بشكل اسرع ولان مبدا تبادل المنفعه هو السائد فى الحياه زى منا عايز عامل حفاز فى حياتى انا كمان لازم اكون عامل حفاز فى حياه شخص تانى .حفاز فى تفاعل المياه وتفاعل ثانى اكسيد الكربون حفاز فى سبب الحياه على الارض وسبب الموت سبب الفرحه والحزن النجاح والفشل الاحباط والطموح .
انا حتى مش لاقى عامل حفاز يخلينى اكمل كتابه هذه السطور بكتب فيها اكتر من خمس ساعات او كتابه اى شىء من ثلاث شهور رغم وجود الافكار ولكنه لا يوجد عامل حفاز .
مشكله عدم وجود العامل الحفاز فى حياتك هو انك مش بتعرف تسمتع بالحياه ومبتعرفش اللحظه الحلوه من اللحظه المره ومبتقدرش قيمه كل لحظه لان العامل الحفاز هو مؤشر الترمومتر بتاعك اللى بيقلك هنا لحظه سعاده افرح هنا لحظه حزن ازعل من غير حفاز مفيش تفاعل بتبقى فى ثبات غير متزن وده لا يؤدى الى شىء جديد لان الثبات فى المكان هو ركود بيخلى التراب يتلم عليك وبتبقى قديم مترب مستهلك وانا عايز عامل حفاز لا يستهلك.
0 اللى علقوا:
Post a Comment